UPOTEVU WA MAPATO: Serikali imekiri upungufu wa sheria za usimamizi wa kodi kuwa chanzo

 
Mamlaka ya Mapato nchini (TRA) imekiri Serikali kupoteza mapato mengi ya ndani kwa miaka ya nyuma kutokana na mapungufu ya Sheria ya kodi ya ongezeko la thamani ya mwaka 1997 na Sheria ya Usimamizi wa kodi. Mapungufu ya Sheria hizo yaliikosesha nchi mapato kwa kile kilichodaiwa kuwepo kwa misululu mingi ya misamaha ya kodi, iliyotolewa kwa sababu mbalimbali.
Katika mafunzo maalumu ya elimu kwa mlipa kodi yaliyotolewa kwa wamiliki wa mabasi nchini TABOA na mamlaka hiyo yalikusudia kutoa uelewa na umuhimu wa kutumia mashine za kutolea risiti pamoja na sheria mpya za kodi kama zilizofanyiwa marekebisho.