Fahamu sini (features) 6 za WhatsApp ambazo hauzitumii mara kwa mara

Kialama cha WhatsApp

WhatsApp imepitia mabadiliko mengi, na imekuwa kati ya applications zinazotumika na kupendwa zaidi duniani. Baada ya kununuliwa na Facebook, waendelezaji walianza kuongeza vitu vipya kama kupiga simu za sauti, kuweza kutuma mafaili, na kuongezwa kwa usalama zaidi. Kwasasa, WhatsApp ni moja kati ya application yenye watumiaji wengi zaidi, ikiwa na angalau watumiaji bilioni moja wanaotumia kikamilifu kila mwezi. Katika makala hii, tutafahamisha baadhi ya vitu vilivyopo WhatsApp na havitumiki mara nyingi, na namna vinavyoweza kutumika;

1. Kuweka maandishi yaliyokolea (bold), kiitaliano (italics) na kuyakata maandishi.

Unataka kutuma ujumbe ambao una muonekano maalumu? Kwa kuweka alama ya nyota mwanzo na mwisho wa neno, basi utakuwa umelifanya neno kukolea (bold). Kuyalaza maandishi (italics) weka alama ya underscore (_) mwanzo na mwishoni mwa neno, na ukitaka kulikata neno katikati weka alama ya tilde(~) mwanzo na mwisho.

2. Kuzima taarifa za wanaochati kwenye kundi (mute)

Kama una marafiki wanaopenda kuchati sana na hutaki kuwaudhi kwa kutoka kwenye kundi, basi unaweza ukazima taarifa kwa saa nane, siku saba au mwaka mzima. Wewe bonyeza kwenye taarifa za kundi halafu bonyeza mute na chagua muda unaotaka kutopata taarifa wanapochati. Utakuwa umewaweza

3. Kutuma ujumbe kwa namba nyingi kwa pamoja

Pengine una taarifa ambayo ungependa kutuma kwa watu wengi kwa pamoja, labda ni biashara na ungependa kila mtu imfikie inbox kwake. Sini hii inaitwa Broadcast List na inapatikana juu kabisa upande wa kulia kwenye skrini yako ya kuchati. Bonyeza Chats -> Broadcast Lists -> New List -> Add contacts, Andika meseji yako na bofya send

4. Kuweka shortcut  ya chati yako na mtu kwenye kioo cha simu yako

Labda una bae na unapenda ukibonyeza mara moja tu kwenye kioo muanze kuchati bila kuhangaika kuanza kutafuta jina lake lilipo. Fanya hivi, bonyeza namba yake na kuishikilia kwa muda kwenye chati zenu WhatsApp, kisha chagua Add Conversation Shortcut. Sini hii inafanya kazi kwenye simu za Android pekee

5. Kujibu ujumbe bila kufungua application yako

Shortcut hii inapatikana kwenye simu za Android pekee kwa sasa, na inakuwezesha kujibu meseji ya mtu aliyetuma bila kulazimika kufungua application yako. Unachotakiwa kufanya ni kwenda kwenye Settings -> Notifications -> chagua Always show popup. 

6. Zuia mafaili ya Picha, Sauti na Video zisijipakue

Inawezekana haupendezwi na namna ambavyo Video, sauti na picha hujidownloadi moja kwa moja na kujaza memori yako. Kama hutaki kujaza memori yako, unaweza kuzuia kwa kwenda  kwenye  Settings -> Data Usage -> Media auto-download na utaona sehemu ya kuzima mafaili yasijipakue.

Je ulifahamu mbinu hizi? Tafadhali tujulishe kwa kukomenti kwa akaunti yako ya Google hapa chini