Waislamu waombwa kuchangia viungo vya Mwili

Mwezi mtukufu wa Ramadhan unapoanza, hospitali nchini Uingereza zinawasihi Waislamu kuchangia viungo vyao kwa wagonjwa ambao wanahitaji figo au maini.

Kuna zaidi ya Waislamu milioni 2.7 nchini Uingereza, na wale ambao wanahitaji figo au maini hulazimika kugonja kwa muda mrefu zaidi kuliko wale ambao si waislamu.

Hii ni kwa sababu ya ukosefu wa wafadhili wanaofaa, tatizo ambalo haliwaathiri waingereza pekee.
Huyo ni Daktari Adnan Sharrif akizungumza na kijana mmoja mgonjwa Muislamu katika kitengo cha madakatari wa figo, hospitali ya Queen Elizabeth, Birmingha.

Nazma anafanyiwa matibabu ya figo, utaratibu ambao yeye hufanyiwa mara tatu kwa wiki kwa ajili ya ugonjwa ulioathiri figo yake.
Anahitaji figo, lakini kulingana na Daktari, atangoja angalau miake miine ndiposa aweze kupata figo inayomfaa, hapa ni suala la kupata figo yenye maumbile yanayoambatana na yake
''Bila shaka wagonjwa wetu watangoja kwa muda mrefu kupata matibabu, baadhi ya wagonjwa wengi wetu wa kiislamu wataaga dunia kama bado wako katika orodha ya wale wanaongoja figo, na idadi hiyo kwa maoni yangu inaongezeka''alisema Daktari Sharif.
Kote nchini Uingereza, Waislamu hasa wenye asili ya Asia hungoja mwaka mmoja hata zaidi ili kupata viungo kama figo na maini kuliko watu wasio waislamu.
Hospitali ya Malkia Elizabeth inajaribu kushawishi waislamu zaidi wajaribu kuchangia viungo hivi muhimu wakiwa hai ama waruhusu viungo vya wapendwa wao wanaofariki kutumika.
Ni swala nyeti mno, na waislamu wengi wanajadili ingawa Uislamu unakubali au unalaani kitendo hicho.

Hakuna ilikoandikwa katika kitabu kitakatifu cha Quran na wasomi nao wana maoni tofauti.
Daktari Yasser Mustapha ni mkufunzi ambaye huzuru misikiti kuzungumuzia swala hili la viungo vya maiti.
''Bila kujali asili ya Muislamu, awe kutoka afrika, Asia ama nwenye asili ya Uingereza, mara kwa mara hatimaye sote hujiuliza swali moja tu!
Ambalo wangependa jibu
''je viongozi wa dini ya kiislamu wanasema nini kuhusu utoaji msaada wa viungo?

Je Uislamu unakubali au unalaani kutoa viungo 

Je inaruhusiwa ndani ya dini ya kiislamu?
Upungufu wa watu wa kuchangia viungo hivi Uingereza ni changamoto.
Mnamo mwezi wa Aprili, wasomi walikongomana kujadili suala hili.

Ingawa wengi waliunga mkono utoaji msaada wa viungo hivi, wengine walibakia wakijiuliza iwapo siku ya kufufuka na kuhukumiwa itafika, je wataathirika wasipokuwa na viungo vyote.
Kwa mujibu wa Takwimu kutoka kwa shirika la kimataifa la Gobal Observatory on Donation and Transplant, zinaonyesha kwamba kuna idadi chache sana ya waislamu ambao wanapata viungo kutoka kwa wale ambao walifariki katika nchi zenye Waislamu wengi ukilingasnisha na maeneo mengine duniani.
Bila shaka, baadhi ya nchi hizi zenye waislamu wengi, ukosefu wa kuchangia viungo huenda ukatokana na ukosefu wa uwekezaji katika sekta ya afya, kwa wengine ni jambo la kidini